乖女

近幾年去拜年， d 親戚總會話我乖女，因為咁大個都仲肯跟爸爸媽媽去拜年。有人讚我當然都會開心o既~ 但我o係度諗，點解咁樣就係乖呢？跟爸媽去拜年是我由小到大廿幾年都冇停做過的事，中國人這些拜年的傳統，本來就是用來維繫整個家族的感情，以前成村人一齊住，都會在新年聚首一堂，何況而家大家都各有各忙，平日都唔係成日見到，點解新年一年見一次都唔去呢？

我時常覺得，有一 d o野係唔應該隨著年紀大而有所改變，我真係好希望，大家都會珍惜身邊的人與事，我們的親戚們，不論是否真的很親，有些可能真的只是一年才見一次，但你會發覺，每過一年，他們又老了一點，論盡了一點，再過多幾年，可能唔駛再去佢度拜年，點解唔好好珍惜這些相聚的機會呢？能成為親戚，總是有緣的嘛！