目標清晰

Amy, 謝謝你今晚的 Sharing... 我戙高床板... 不眠不休... 終於將未來一年的藍圖畫了下來！此時的我目標清晰... 雄心壯志... 我是時候要重生了！但願我緊記今晚對自己許下的諾言.... 不要鬆懈... 不要忘記.... 我要努力！

《不再猶豫》

★無聊望見了猶豫（誰人沒試過猶豫）
達到理想不太易
即使有信心鬥志卻抑止
誰人定我去或留
定我心中的宇宙　
只想靠兩手向理想揮手　

△問句天幾高心中志比天更高
自信打不死的心態活到老
OH......我有我心底故事
親手寫上每段得失樂與悲與夢兒
OH......縱有創傷不退避
夢想有日達成找到心底夢想的世界　　終可見
Repeat ★ △　

OH......親手寫上每段得失樂與悲與夢兒
OH......夢想有日達成　找到心底夢想的世界　　終可見 ..........Hey!

新人類

開始明白點解一眾 Blog 界紅人要用虛擬身份寫 Blog... 因為可以暢所欲言... 而家寫野，有 d 避忌... 但真的不吐不快...

其實米雪都唔係好老，都未夠三字頭，但每次講起 d 後生，都有 d 搖頭嘆息....

所謂後生，唔係 18歲卜卜脆果 d，係細我幾年果 d 少爺小姐...

做人，可以做野唔叻、可以個腦轉得唔快、可以唔話頭醒尾...

但切忌認精學懶、心術不正、鬼鬼鼠鼠偷蕃薯.... 簡單講句，係做人o既態度同 Ethics 出左問題...

我發現有唔少初出茅廬的畢業生，可能未經生活琢磨，未受過挫折，或者一路過住 d 填鴨式的生活，唔知道呢個商業社會係冇人會餵佢的... 故此仍然期望有人會為佢地解決所有難題或瑣事... D o野一有少少麻煩就唔願做，但求即食... 當人地幫唔到佢，佢地就坐o係度等人幫佢解決，而唔會自己試下用迂迴d 的途徑去處理事情... 咁都還好，有 d 仲會回敬你一個怨恨的眼神，覺得你唔幫佢... 喂！一開始就要計住度住自己付出幾多才有收穫，咁係好難有一個大的發展，到冇得發展時你又覺得自己懷才不遇，嘩，大佬，呢個世界冇咁 so，前途係唔會由個天跌落來，只有靠雙手一點一滴去累積的...

凡事都有原因，人地做得好，或做得到，一定係佢有付出過... 如果佢係冇付出，佢得到的，亦不會長久... 有好多o野表面睇落去一 d so 都冇，但其實呢 d o野係 Train up 緊你點樣去獨立解決問題，或者係訓練緊你點樣做到面面俱圓，需知道我地係做緊 People Business，好多時客人會將細微的東西看在眼裏，所以不能怕煩... 如果怕煩，就努力一點，做好 d 成績，搵到 $ 請個人番來幫你處理晒呢 d 麻煩o野啦！

人與人的相處，誠信，係好緊要... 人總會做錯，冇人會怪你... 但唔認錯，我就接受唔到... 大家一齊合作，我真係唔會計較付出幾多，只要對件事好，蝕底 d，又有乜所謂？不過，唔好當人地係羊牯... 佢好人唔等於佢蠢... 唔好立亂佔人便宜攞人著數，因為你永遠唔知你其實 trade off 緊自己的誠信同人格呢 d 無價寶，去換取呢 d 表面的便宜，Career 同埋個人的誠信對我來說好貴重，呢 d o野冇人取得走... 睇o野唔好咁表面啊....

講左咁多，其實唔係要鬧任何人、或者邊怪個，我真係想他們明白事情的利害關係... 而係我好明白要在任何行業上生存，一定要有 100% 的誠信，亦要將目光放遠一點，唔好只係睇事情的表面，要看清事實的本質，抓緊宗旨去做人做事，才可以長做長有、才會成為他人的第一選擇！如果做得到咁樣，我夠膽講你做邊行都會掂！

做一個有質素的人，才會成為一個有質素的 Agent... 只有有質素的 Agent，才能持續地吸引有質素的客群！

師奶唔易做

星期日果日，過著師奶般的生活，洗衫煮飯仲要煲埋涼茶...

原來，師奶真係唔易做...

由一早起身，就忙到夜晚... 本來想去做下運動修下身，但因為要準備晚餐，最後，都係冇時間...

如果係有小朋友的話，一定就更加忙...

不過，心情倒是相當愉快的，什至有點想做煮飯婆的念頭，因為只有全職煮飯，才能有那麼多空間去體貼他的需要...

雖然忙，但做每一件事時，都係為心愛的人而做... 好單純地想他開心...

因為想到他很熱氣、喉嚨痛，就在送他出門後煲個愛心涼茶給他，兼且去找他食 Lunch 時送埋比佢，慰勞下佢星期日都要辛勤工作...

準備晚餐時，就想想怎樣煮才好食 d，怎麼的煮法又健康又好吃？ 咀邊總帶著微笑.... 看他吃得津津有味時，心想：「哈哈，我總算是個入得廚房、出得廳堂、兼 x x x x 的女朋友吧... 」嘻嘻... 其實唔知佢有冇咁諗... 我自己覺得係... 就夠了....

未放下的...

放不下... 一定有原因...

說的是昨天提過的「食蕉啦輔導課程」... 首先來個懺悔，給它起一個這樣大不敬的名字，實在罪過... 「食蕉啦輔導課程」實為以 Satir Model 為中心的 Professional Counseling Certificate Course ，我將之稱為「食蕉啦」，純粹是因為發音近似英文讀音而已，這個輔導模式其實一點都不食蕉，亦令我改變了很多... 我是真的很鍾愛這個輔導模式，才更覺放不下...

鍾愛，是因為這個輔導模式的背後的精神...

這個世界，充斥著指責、抱怨、媚上、嫌棄、卸責...... 有太多太多的陰暗面，但我總覺得，你認為這個世界是黑色的，她就是黑色的了... 在大學裏讀的理論，大多偏向分析問題，難免有認為「Client 是有問題」的傾向... hm.. 很灰吧！我信人性本善... 我信事出必有因....

直至踫上了這個 Satir Model，我找了一個和自己價值觀 120% 吻合的輔導模式...

「問題本身不是問題，如個應對問題才是問題所在...」
"Most people do the best they can at any given time."
"People connect on the basis of sameness and grow through their differences."

對啊！不要在 Client 身上扣帽子... 更不要在自己和身邊的人身上扣帽子... 我們現在的我，是傳承自我們的家庭... 我們不是要去 eliminate 所謂的問題，而是去看清問題的本質，「問題」是如何變成「問題」的？既然我們已 do the best we can，咁這個「問題」反映了我們有什麼窒礙？內裏又隱藏著什麼寶貴的資源？有哪些有用的我們要留起？有哪些傷痛的我們要放下？ 與其指責，何不接納、擁抱，然後放下？與其自責，何不欣賞今天的你面對一切一切，仍然屹立不倒？

這就是一個那麼尊重人性的輔導模式... 在內裏我雖然還未學懂做一個好的 Counsellor，但我學懂如何更愛自己... 如何為自己下決定.... 認清自己的本質.... 如何活在當下.... 讓內心深處的自己站起來說話....

我深信，這個世界很美麗... 每個人都很寶貴... 每個人都有最 core 、最寶貴的一部分，不會因為外在的環境、或外在的你改變而改變...

我純為今日我仍存在... 仍呼吸著每一口新鮮的空氣... 為活在當下... 而深受感動....

放下，是為了向前... 我要向作為一個兼任 Counsellor 的理想說再見了... 謝謝這個理想陪我走過過去一段自我成長的路... 我以往需要你來證明我是個愛人如己的劉姑娘，但現在我不需要你了！我知，我對生命、對人性、對愛的堅持，是不會因為放下你，而改變的！

我... 就是劉姑娘嘛！

Salute to Ms Virginia Satir

有心無力...

好多日冇寫 Blog 了... 這幾天不是沒有東西可寫，而是每次想下筆時都有份無力感...

有心無力...？ 不知道呢... 呢排個人有好多 Conflict... 淨係"有心無力"呢四隻大字，已令我覺得很矛盾...

不是有心，就自然有力嗎？若沒有力，就算有心，又幾有心呢...？

有心有力的例子，是跑馬拉松，從沒想過我能未停過便跑畢全程，只是在開跑一刻突然在想：「不如唔好停啦... 試下跑晒佢，你實得o既！」就係咁，有心，便有力，用了1小時21分，跑完全程，在 4,500多名同組的女子參加者中，排 2125，第一次跑，我覺得自己好叻o架喇~ 出年要繼續參加... 我信，有心... 就自然有力

另一個例子，是減肥。雖然距離目標尚有 10 磅，但我很有信心我會做得到... 原因之一，是我在眾人前許下承諾，要在 3 個月減 15 磅，否則要捐兩皮o野去保良局，嘩~ 咁大鑊！我一定要減到... 有人話我傻，做咩無啦啦許下個咁o既承諾... 但我覺得 ok 喎！我想減好耐o架啦！不過得個講字，我知咁做一定會令我好比心機去減... 原來有心無力時，係可以用 d 方法令自己有力，即係結論都係，有心，就自然有力... 而家一星期都做 4-5 天運動 (仲要係返工前七點幾出到銅鑼灣做喎！)，食o野呢一關我都忍到口，我覺得自己好勁... 要繼續努力...！

至於有心無力的例子... 最令我困擾的，就是這一樣：「食蕉啦輔導課程」... 最近，決定放棄了.... 一直緊握不願放的，最終都要放棄... 我很嬲自己呢... 曾說過我一定要完成，但是... 我還是放棄了... 道行未夠，做不到「追求、擁有、放下」的灑脫.... 我不怪自己無力，但怪自己無心.... 在善待自己這個課題上，我要學的，多的是！

你們對自己要求高嗎？我呢... 近乎苛刻... 平時的我，總是個嘻哈大笑樂觀積極的人，唯有在這裡，我才勇於將自己軟弱的一面顯現出來... 劉倩筠，請對自己好一點，放過自己吧！