我知... 其實我並不重要...

真沒用... 又哭...

阿媽我得左喇~

好開心好開心呀~ 過五關斬六將跑到骴都甩~ 我終於到巨龍會 150% 喇~ 真係超級開心~~

今個月係入行以來最辛苦... 但最 fruitful 的一個月... 向著自己想去的目標不停地追.. 就算有阻滯都唔放棄... 都唔好比佢影響到.... 一心一意去做... 做到果一刻的滿足感同喜悅... 真係筆墨所難形容！我要為自己鼓掌！好 L 開心呀~~~~ HAHAHAHAHAHAHAHA

亂

有沒有人可以告訴我.. 我應該怎樣...？
為什麼做人在這一刻對我來說這麼困難？
為什麼我想做到的... 我承諾自己承諾別人要做到的... 都做不到？

我跟全世界說我要做到 MDRT，我做不到... 今天是 DEADLINE... 但我什麼都做不到... 我還坐在家中寫 BLOG和發呆.... 我的腦袋在罵我不知所謂....在鬧我放棄這個口口聲聲說要做的 TARGET.... 在鬧我是個衰女包... 無L用... 我在罵... 又是我在局限我自己... 阻自己發達...WTF
我的心在哭... 雖然離 Target 只是差很少很少... 但我實在不知道去哪兒找人幫我買單... 去找人今天就幫我買單... 一想起... 我的頭就痛... 在這事情上... 我有用盡我所有的努力嗎？沒有吧！為什麼人在每一分每一秒都要用盡所有的努力呢？為什麼我就不能懶懶的... 為什麼我總要去摘天上的星星...？摘到...？又如何？摘不到，是不是注定失敗？DLS... 我好想大哭大叫... 我嬲自己... 為這麼的一件小事而煩惱.... 我覺得自己真係好冇用....

我跟自己說.... 我要給自己一個機會... 去找一個真正會疼我... 會錫我... 會為我著想的人... 我覺得我絕對值得有一個這樣的人啊！但是... 我又在走回頭路...
他有做過什麼呢？口口聲聲說有多想和我一起.... 但一個月了.... 乜 L 野都冇做過... 我可沒有咁 L 多時間去等你... 但最低 G 能的是... 佢乜 L 都冇做... 我就已在行吃回頭草的路... 劉倩筠... 他一次又一次的去傷害你... 他從沒有為你們的將來好好去打算... 他只是一直在遊戲人間... 你知唔知你做緊乜野呀？你真係要一個咁樣的人嗎？你可不可以清醒一點呀？你深知... 你唔係冇左佢唔得
媽媽說的話... 我全部都覺得很對... 但現實就是一團糟... 媽媽問我... 你和他是不是打算結婚呢？你們一起這麼多年... 人家是越來越密切的，你倆卻越行越疏似的... 他好日都唔來食餐飯，又成日長不大似的... 食親飯又成日周圍睇女仔... 佢都仲未定性... 我認我其實係好擔心你... 阿女... 其實你們係點O架？你唔好委屈自己... 你年紀不輕... 一係就好好計劃... 一係就早日斬纜... 對大家都好... 哥哥說，你看... 你的女兒自己都唔想結婚住啦...
但實情是... 我都想結婚... 我都想找個有能力有擔帶錫我疼我懂我的人... 但實情是我身邊的那位爛情人除了懂得遊戲人間、很Funny和逗我笑以外... 你們口中所講的... 作為一個女人現實生活想要、需要和該要的... 他除了逗我笑得像太陽一樣之外，其他的一樣都做唔到... 心地好不能當飯吃... 價值觀相近不能當飯吃... 爛 GAG 和不爛的 GAG 都不能當飯吃... 對我好的話或許都能加點分.... 但連他自己都承認對我不好... 我可以說些什麼？ 我要過好的生活... 我只可以靠自己雙手.... 所以我做野咁拼命.... 係因為我知身邊那位爛生... 只是個遊戲人間的大快活.... 他對我唔好又唔定性... 他是一個未長大的小朋友... 我身邊每一位知道我終於和他分開的知心朋友，都拍爛手掌說一早都覺得我 DESERVE A BETTER ONE... 但更低能的... 是我也有狠下心和他分開了...現在口口聲聲說不是在一起.... 但這兩天我們手牽手逛街夜晚在煲粥... 我都唔 L 知自己做緊乜...
我的未來就掌握在自己手裏.... 但我眼見他就是這樣的一個人... 我知我心裏有一萬個希望他會改... 但我知我根本不能期望他會改.... 他亦冇做過什何事令我覺得他會改.... 他就是個眼見做不到就會放棄的人... 他就是個不會用盡辦法去改變現狀的人... 現實就是這樣... 你眼見的.... 你過去六年半以來... 就是眼見到這些事實... 但... 我... 卻依然未離開他.... 天呀... 你賜我智慧... 去做適合自己的選擇吧.... 其實... 適合的選擇已經很明顯... 我真係唔想同一個咁的人過下半世.... 我知我將來會後悔... 但... 一起太久了... 我已習慣了他的 FUNNY... 沒有他... 我覺得空洞洞... 是呀... 或許我還未習慣.... 沒有他的日子... 是... 只是... 未習慣而已.... 我但願如此...

道行未夠

我承認，我，道行未夠...

呢個禮拜，見識到有 d 人真係可以在毫無利益衝突的情況底下，都做 d 反骨的行為....

我，道行未夠，Too Simple, Sometimes Naive....

小女子的工作環境有別於一般商業機構，其實冇咩權力鬥爭，因為你o係公司入面幾有權都好，係搵唔到食o既！想升，唯一方法係做好自己盤生意，同事間什少存在搶客問題，因為每一個客都係自己湊大，同事係好難搶到的，搶得你果個來 d 時間都足夠搵過個客，所以冇咩人會去用呢種方式辣火頭，大家都明白，只要做好自己的業績，請夠人，就冇人可以阻到你升......靠人事、靠踩低人來抬高自己，係唔會上位上得快 d o既... 搞風搞雨又唔會多多張單，只係會犯眾憎...

所以，作為一個師姐，我，係好天真地，以為我攞個心出來，以身作則，就能推已及人，令所有人都有所成長.... 亦因為深知踩低你抬唔高自己，所以我每一句善意的忠告，都係想大家一同成長，有更好的發展，我唔需要虛假的 Appreciation，我只希望能發出一點熱與光，感染到人，大家你好我好，我地成組人日益壯大，就夠

點知... 你攞個良心出來，有人當狗肺... (不過，又好好彩，咁o既人，其實只得一個... 更好彩O既係，公道自在人心，好多人都睇到發生緊咩事...) 為左呢個人的所作所為，我好嬲... 好委屈... 谷氣谷到上心口... 其實我深知冇必要為呢條 PK 動氣... 亦有好多人明白我，但我道行唔夠，比佢激到著 L 晒火，其實我真係好唔鐘意佢o既咀臉同所作所為... 直頭宜得一雙高踭鞋車過去車 Q 死佢

好！你呢條粉腸，你咁 L 囂張，以為師姐冇料到，既然都著晒火，就無謂嘥左團火，今個月我就全心全意全力爆條大數過你睇，話你知，咩叫做好人好品又好數！我同你講，你果 d 低能招數、你o既為人，明眼人都睇到係咩一回事，我鄧你可憐，因為你唔知自己問題O係邊！

我咁大個女從來都冇比人睇唔起過，我就要化悲憤為力量，用我的業績教你做人的道理！頂你丫！

心如鹿撞

日期：13 - 7 - 2007 (黑色星期五)
時間：晚上大約7時
地點：旺角某餐廳

「(電話鈴聲)多麼蠢的蠢豬... 個個也來揶揄...」我正在做 Presentation 做得興高采烈之際，電話響起... 基於是 Private Number，我不知是誰打來，我接聽了...

耳畔傳來陌生、帶點成熟、滲著淡淡男人味、語氣親切而帶點磁性的聲音：「喂唔該米雪丫...」
噢！怎會在這該死的時候打來？真殺我一個措手不及呀！
我來不及反應... 腦一片空白... 手心開始冒汗... 心跳正在加速... 你交代了要交代的.... 我得到想要得到的答案，來不及寒暄多一會，來不及將你的聲音記在腦海... 我亦為了眼前的客人... 不得不收線了...

是真的嗎？我沒想過竟然和你在對話呢！又驚又喜... 那麼遠的，突然很近... 偉大的互聯網啊！複雜的 Youtube 運作啊！謝謝你給予我機會和偶像來個普通到不可更普通的對話... 我覺得自己像個小影迷... 哈哈~